Ўзбекистон Республикаси Президенти томонидан илгари сурилган бешта муҳим ташаббус ҳамда 2020 йил 30 октябрдаги “Соғлом турмуш тарзини кенг тарғиб этиш ва оммавий спортни янада ривожлантириш чора-тадбирлари тўғрисида”ги ПФ-6099-сон Фармони ижросини таъминлаш мақсадида Андижон вилояти божхона бошқармаси ходимлари ҳамда Ёшлар иттифоқи бошланғич ташкилоти томонидан “Оилавий спорт – соғлиқ гарови” мавзусида анъанавий спорт тадбирлари ўтказилмоқда.

Мамлакатимизда жисмоний тарбия ва спортни оммалаштириш ижтимоий сиёсатнинг муҳим йўналишларидан бири этиб белгиланган. Чунки спорт аҳоли саломатлигини мустаҳкамлаш, ёш авлодни соғлом ва баркамол этиб тарбиялаш орқали жамиятда соғлом турмуш тарзини қарор топтиради.

Мамлакатимизда сўнгги йилларда жисмоний тарбия ва спортни оммалаштириш, аҳоли ўртасида соғлом турмуш тарзини тарғиб қилиш, давлат ташкилотларида хизмат қилаётган ходимлар спорт билан мунтазам шуғулланишлари учун зарур шарт-шароитлар яратиш борасида изчил чора-тадбирлар амалга оширилмоқда.

Юртимизда жисмоний тарбия ва спортни оммалаштириш, аҳоли, айниқса, аёллар ўртасида соғлом турмуш тарзини тарғиб қилиш учун зарур шарт-шароитлар ва инфратузилма яратилган.

Бугунги кунда мамлакатимиз сарҳадларида кун-у тун сергак туриб, божхона чегаралари орқали ноқонуний товар моддий бойликларнинг ҳаракатига чек қўйиш, контрафакт маҳсулотларни аниқлаш, давлатимиз иқтисодий хавфсизлигини таъминлаш, олиб ўтилиши чекланган ва тақиқланган ашёларнинг мамлакатимиз ҳудудига кириб келишининг олдини олиш борасида мард ўғлонлар билан бир қаторда аёл божхоначилар ҳам елкама-елка хизмат қилишмоқда.

Юртимизда хотин-қизларга ҳурмат-эҳтиром кўрсатиш, уларни эъзозлаш ҳамда ижтимоий томонлама ҳимоялаш давлат сиёсати даражасига кўтарилган.

Турли соҳаларда хизмат қилаётган хотин-қизларни саломатлигини мустаҳкамлаш ҳамда уларда ишчанлик кайфиятини янада ошириш мақсадида юртмизда спортга алоҳида эътибор қаратилмоқда.

“8 март – Халқаро хотин-қизлар куни” байрамини юқори савияда ва кўтаринки руҳда ўтказиш ҳамда божхона соҳасида хизмат қилаётган хотин-қизлар ўртасида соғлом турмуш тарзини тарғиб қилиш ва уларнинг саломатликларини мустаҳкамлаш муҳим вазифа саналади.

Мамлакатимизга кириб келаётган “8 март – Халқаро хотин-қизлар куни” байрамини кўтаринки кайфиятда нишонлаш мақсадида аёллар иштирокида кўплаб тадбирлар ва спорт мусобақалари ўтказилмоқда.

Ҳозирги кунда ҳар жабҳада эркаклар билан ёнма-ён туриб, эл-юрт корига яраб, астойдил хизмат қилаётган аёллар кўпчиликни ташкил этади.

Ҳар йили нафислик ва нафосат байрами арафасида эркаклар билан елкама-елка она Ватан тинчлиги ва равнақи йўлида фидойи хизмат қилаётган ҳуқуқни муҳофаза қилувчи органлари аёл ходималари ўртасида спорт мусобақаларининг ўтказилиши анъанага айланиб улгурди.

Хотин-қизлар саломатлигини мустаҳкамлаш, уларнинг спорт билан мунтазам шуғулланишлари учун зарур шарт-шароит яратиш соғлом жамият сари ташланган дастлабки қадам дейиш мумкин.

Бугун жамиятимизнинг ҳар бир бўғинида аёлларнинг жон куйдириб меҳнат қилиб, юрт тараққиёти йўлида ўзларининг муносиб ҳиссаларини қўшиб келаётганликларини эътироф этмасдан иложимиз йўқ.

Бугунги кунда юртимизда хотин-қизларни эъзозлаш, ҳурмат-эҳтиром кўрсатиш давлат сиёсати даражасига кўтарилган.

Бугунги кунда мамлакатимизда аёлларни нафақат оилада балки, жамиятда ҳам фаоллигини ошириш, уларнинг турли соҳаларда ўз қобилият ва имкониятиларини рўёбга чиқариши учун шарт-шароитлар яратиш, шунингдек уларнинг ҳуқуқ ва манфаатларини таъминлаш борасида тизимли ишлар йўлга қўйилмоқда.

Ҳаётимиз кўрки бўлган хотин-қизларни ҳар томонлама қўллаб-қувватлаш, оналик ва болаликни муҳофаза қилиш, оила мустаҳкамлигини таъминлаш давлат сиёсати даражасида эканлиги билан ҳар қанча фахрлансак арзийди.

Халқимизда “соғлом она-соғлом бола” деган нақл бежизга айтилмаган. Она ватанимизда аёллар саломатлигига доимий эътибор бериб келинган.

Президентимиз Шавкат Мирзиёевнинг “Шахматни янада ривожлантириш ва оммавийлаштириш ҳамда шахматчиларни тайёрлаш тизимини такомиллаштириш чора-тадбирлари тўғрисида”ги қарори ижросини таъминлаш мақсадида Навоий вилояти “Динамо” жисмоний тарбия-спорт жамияти кенгаши аъзолари ўртасида спортнинг шахмат ва шашка турлари бўйича мусобақа ташкил этилди.

Давлатимиз раҳбарининг “2017 - 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Ёшларни қўллаб-қувватлаш ва аҳоли саломатлигини мустаҳкамлаш йили”да амалга оширишга оид давлат дастури тўғрисида”ги Фармон ижросини таъминлаш мақсадида Навоий вилоятининг ҳуқуқни муҳофаза қилувчи органлари ўртасида спортнинг турли йўналишлари ҳамда маънавий-маърифий соҳадаги имкониятларини синовдан ўтказиш бўйича мусобақалар ташкил этилди.

Мамлакатимизда спортни кенг оммалаштириш бўйича олиб борилаётган изчил ислоҳотларга жавобан божхона органлари тизимида ҳам соғлом турмуш тарзини тарғиб қилиш, спорт мусобақаларини тизимли ташкил этиш масалаларига алоҳида эътибор қаратилмоқда.