Наманган вилояти божхона бошқармасида 8 март – “Халқаро хотин-қизлар куни” арафасида аёллар саломатлигини мустаҳкамлаш, уларнинг ишдан бўш вақтларини унумли ўтказиш мақсадида спорт мусобақалари ташкил этилди.

Мусобақаларда божхона тизимида хизмат қилаётган аёллар иштирок этиб, хотин-қизлар спортнинг шашка, стол тенниси, баскетбол тўпини саватга ташлаш, арғимчоқда сакраш ҳамда пневматик қуролдан ўқ узиш турлари бўйича ўзаро куч синашишди. Қизғин руҳда кечган беллашувларда ғолиблар сараланди ҳамда фахрли биринчи, иккинчи ва учинчи ўринларни қўлга киритган иштирокчиларга эсдалик совғалари топширилди.

Бу каби спорт тадбирларини ўтказиш орқали, энг аввало, аёллар саломатлигига эътибор қаратиш, уларнинг жамият ҳаётидаги роли ва фаоллигини ошириш, шунингдек соғлом турмуш тарзини олиб боришга қаратилгандир.