Ўзбекистон Республикаси Президенти Шавкат Мирзиёевнинг Олий Мажлисга йўллаган мурожаатномасида мамлакатимиз аҳолисининг қарийб ярмини ташкил этадиган ёшлар билан ишлаш масаласи, бундан буён ҳам энг асосий вазифаларимиздан бири бўлиб қолиши, ёшларни тадбиркорликка жалб этиш, уларнинг бандлигини таъминлаш мақсадида “Ёшлар – келажагимиз” жамғармаси фаолиятини янада кенгайтириш зарурлиги, фарзандларимизни турли хил радикал ва зарарли ғоялар таъсирига тушиб қолишига йўл қўймаслик – асосий вазифамиз эканлиги, бу борадаги ишларни янгича ёндашувлар билан давом эттиришимиз кераклиги қайд этилди.

Куни кеча Давлат божхона қўмитаси ҳамда Ўзбекистон давлат муассасалари ва жамоат хизмати ходимлари касаба уюшмаси Республика Кенгаши томонидан тасдиқланган жадвал асосида Бухоро вилояти божхона бошқармасида жамоа шартномалари бажарилиши якунларига бағишланган йиғилиш бўлиб ўтди.

Буюк аждодларимизнинг ҳаёти ва фаолиятидаги ёрқин мисолларни тарғиб қилиш орқали ёшлар ва ҳарбий хизматчиларда жасурлик ва мардлик, фахр ва ифтихор туйғуларини ошириш, шунингдек, ходимлар ва уларнинг оила аъзоларининг маънавий-маърифий билимларини мустаҳкамлаш, уларда ватанпарварлик, Ватанга муҳаббат, миллий истиқлол ғояларига содиқлик туйғусини шакллантириш мақсадида Ўзбекистон ёшлар иттифоқининг Хоразм вилояти божхона бошқармасидаги бошланғич ташкилотида ёш божхоначилар ўртасида — ўзбек мумтоз адабиётининг йирик вакили, буюк шоир, тарихчи, географ, давлат арбоби, истеъдодли саркарда, бобурийлар сулоласи асосчиси, темурий шаҳзода Заҳириддин Муҳаммад Бобур таваллудининг 536 йиллиги муносабати билан “Заҳириддин Муҳаммад Бобур – умумармия ёшлари нигоҳида” мавзусида иншолар танлови ўтказилди.

Миллий кинология марказида жорий йилнинг апрель ойида илк бор Ўзбекистон кинология федерацияси билан ҳамкорликда ҳуқуқни муҳофаза қилувчи органлар ҳисобидаги турли зотдаги хизмат итларининг экстерьери ва зотдорлик даражасини баҳолаш бўйича халқаро экспертлар жалб қилинган ҳолда миллий кўргазма ўтказиш режалаштирилган.

Барчамизга маълумки, бугун юртимизда барча соҳалар қатори божхона соҳасига ҳам алоҳида эътибор қаратилиб, кенг кўламли ишлар амалга оширилмоқда.

Ўзбекистон ёшлар иттифоқи Марказий Кенгаши ташаббуси билан Сергели туманида фаолият олиб бораётган ташкилотлар ўртасида Заҳириддин Муҳаммад Бобур таваллудининг 536 йиллиги муносабати билан “Бобур – умумармия ёшлари нигоҳида” мавзусида иншолар танлови бўлиб ўтди. Унда Давлат божхона қўмитасининг Миллий кинология маркази ходимлари ҳам фаол иштирок этишди.

Бугунги кунда муҳтарам юртбошимиз раҳнамолигида ҳар бир соҳада туб ислоҳотлар олиб борилмоқда. Юртимизнинг фаровонлиги, бунданда гуллаб яшнаши учун кўплаб қонун ва қарорлар ишлаб чиқилмоқда.

Хоразм вилояти божхона бошқармаси томонидан 2018 йил давомида амалга оширилган ишлар, тизимдаги янгиликларни кенг жамоатчиликка ўз вақтида етказиш мақсадида, бошқарма ходимлари иштирокида вилоят телерадиокомпаниясининг “Муносабат” кўрсатуви орқали тўғридан-тўғри эфирда очиқ мулоқот ташкил этилди.

Қорақалпоғистон Республикаси божхона бошқармаси ва Ўзбекистон ёшлар иттифоқи Қорақалпоғистон Республикаси Кенгаши ҳамкорлигида Нукус шаҳридаги 21131-ҳарбий қисм аскарлари билан Давлат божхона қўмитасининг Божхона институтига ўқишга кириш истагида бўлган ҳарбий хизматчилар билан учрашув ўтказилди.

Маълумки, бугун мамлакатимизда аҳолини қийнаётган масалаларни тезкорлик билан ҳал этиш, халқ дардига шерик бўлиб, ташвишларини аритиш ҳар бир раҳбар, ҳар қайси мутасадди шахснинг муҳим вазифаларидан бирига айланди.

Божхона соҳасидаги ўзгаришлар, янги қабул қилинаётган қонун ва қонуности ҳужжатларининг мазмун-моҳиятини ташқи иқтисодий фаолият иштирокчиларига тушунтириш мақсадида, Қорақалпоғистон Республикаси божхона бошқармаси мутасадди ходимлари томонидан “Нукус” ташқи иқтисодий фаолият божхона постида учрашув ташкил этилди.

Божхона органлари ходимлари ўртасида соғлом турмуш тарзини тарғиб қилиш ва спортнинг оммавийлигини таъминлашга қаратилган бир қатор тадбирлар амалга оширилиб келинмоқда.

Ўзбекистон ёшлар иттифоқи Қорақалпоғистон Республикаси Кенгаши ташаббуси билан ёшларни ватанпарварлик руҳида тарбиялаш, уларнинг ҳарбий касбга қизиқишини, сиёсий, ижтимоий-иқтисодий ҳамда маънавий билимларини янада ошириш мақсадида ҳарбий хизматчилар ўртасида “Темур тузуклари” викторинаси ташкил этилди.

26-январь – Ўзбекистон Республикаси Давлат божхона хизмати органлари ходимлари куни ҳамда Марказда бошланғич курс тайёргарлигидан ўтаётган 10 нафар тингловчиларни “Божхона органи ходимининг қасамёди”ни қабул қилиш муносабати билан Миллий кинология марказида тантанали тадбир бўлиб ўтди

Сўнгги икки йилда республикамизда ташқи савдо айланмаси янада кенгайиб, халқаро юк ташиш ҳажми ҳам тобора ўсиб бормоқда. Бу эса товарларнинг экспорти ва импорти жараёнида божхона назорати учун сарфланадиган вақтни янада қисқартиришни тақозо этади.

Бугунги кунда Сирдарё вилояти божхона бошқармасида мурожаатлар билан ишлашда амалдаги қонунчилик талабларига қатъий риоя қилиниши, мурожаатлар бўйича масалани жойнинг ўзида ҳал қилинишига эътибор кучайтирилган.

Мамлакат барқарор иқтисодиётининг муҳим омилларидан бири инвестициядир. Бунда айниқса тўғридан-тўғри хорижий инвестицияларнинг аҳамияти юқори.

Фарғона вилояти божхона бошқармаси раҳбарияти аҳолининг ҳуқуқий маданиятини ошириш ва божхона тартиб қоидаларини кенг жамоатчиликка етказиш борасида ҳамда Муҳтарам Юртбошимизнинг 2019 йил учун мўлжалланган энг муҳим устувор вазифалар ҳақидаги Олий Мажлисга Мурожаатномасида белгиланган вазифаларидан келиб чиқиб бир қатор мутасадди давлат органлари билан ҳамкорликда 2019 йил давомида амалга оширилиши кўзланаётган ишлар юзасидан кенг оммага вилоят телерадиокомпанияси орқали узатиладиган “Очиқ мулоқот” кўрсатувида маълумот беришди.

Ўзбекистон Республикаси Президентининг 2018 йил 12 апрелдаги "Ўзбекистон Республикаси Давлат божхона хизмати органлари фаолиятини тубдан такомиллаштириш чора-тадбирлари тўғрисида"ги Фармонига асосан Ўзбекистон Республикаси божхона чегарасидан товарлар, қурол-яроғ ва гиёҳвандлик воситаларини ноқонуний олиб ўтилишини олдини олиш, божхона чегарасини кесиб ўтаётган транспорт воситалари ва юкларнинг самарали божхона кўригини таъминлаш, божхона тартиб-таомилларини тезлаштириш мақсадида чегара божхона постларини энг замонавий катта ҳажмдаги сканер қурилмалари билан жиҳозлаш божхона органларининг устувор вазифаларидан бири этиб белгиланган.

Ўзбекистон Республикаси Президентининг Олий Мажлис Палатасига йўллаган Мурожаатномаси ҳамда жорий йилда инвестиция лойиҳаларини амалга оширишни жадаллаштириш масалаларига бағишлаб ўтказилган видеоселектор йиғилишида бажарилиши лозим бўлган долзарб вазифалардан келиб чиқиб, божхона идоралари томонидан бир қатор ишлар амалга ошириб келинмоқда.