Тадбирда институтга киришнинг дастлабки танлов шартлари, ўқишга қабул қилингач мавжуд бўлган шароитлар ҳамда имкониятлар ҳақида тўлиқ маълумотлар берилди. Замон талабига мос равишда хизмат қилиш, билимли, ахборот-технологияларини тўлиқ ўзлаштиришни талаб этади, бу эса ҳар бир фуқаронинг ўз касбининг мутахассиси бўлишига замин яратади. Олийгоҳга кирган ёшлар ётоқхона, озиқ-овқат, кийим-кечак билан таъминланиши, шунингдек, амалиётларни Давлат божхона қўмитасининг ҳудудий бошқармаларида юритишини маълумот сифатида айтиб ўтишди.

Тадбир якунида ҳарбий хизматчилар ва қисм командирларига эсдалик учун китоблар ҳамда ташаккурномалар берилди.

Учрашув давомида ҳарбий хизматчилар ўз саволларига тўлақонли жавоблар олишди.