8 март – халқаро хотин-қизлар куни муносабати билан Давлат божхона хизмати органларида “Божхона маликалари” республика қўрик танловининг Қорақалпоғистон Республикасидаги дастлабки босқичи юқори савияда ташкил қилинди.

Танловда иштирок этган гўзал божхоначилар ўзларининг билимлари, пазандалик сирлари, шунингдек, чаққонликларини намоён қилиб, танловнинг 5 та шарти бўйича ўзаро беллашишди.

Якунда эса “Хўжайли” чегара божхона пости инспектори Айсулыў Турдымуратова Қорақалпоғистоннинг “Божхона маликаси” деб топилди.

Иккинчи ўринни “Хўжайли” чегара божхона пости инспектори Махсура Ибраимова, учинчи ўринни “Давуд-ота” чегара божхона пости инспектори Гулхан Исметуллаева эгаллади.

Айсулыў Турдымуратова энди танловнинг ҳудудий босқичида хоразмлик ҳамкасблари билан беллашади.