Тарихда Тўмарис, Бибихоним ва Нодирабегим каби буюк аёл сиймолари борки, уларнинг бири буюк давлат ҳукмдори ва қўмондон бўлса, бошқаси Темурни Темур қилган Сароймулкхонимдир, яна бошқаси адабиёт соҳасининг йирик намоёндаси шоира Нодирабегим бўлган. Эр кишиларча юрт тинчлиги ва осойишталиги йўлида Ватан хизматида бўлишга бўлган мухаббат бу серқуёш ўлка аёлларининг қон-қонига сингигани шундандир балким?!

“8 март – Халқаро хотин-қизлар куни”ни Давлат божхона қўмитаси ҳамда унинг таркибий тузилмаларида кенг ва кўтаринки руҳда нишонлаш мақсадида эълон қилинган "Божхона маликалари" республика кўрик танловининг Андижон вилояти босқичи ўтказилди.

Юқорида қайд этилганидек, хотин-қизларнинг давлат ва жамият ҳаётининг барча соҳаларидаги ўрни тобора кучаймоқда. Халқимиз тинчлиги ва фаровонлигини асрашда, иқтисодий сарҳадлар хавфсизлигини таъминлашда божхона органларида хизмат олиб бораётган аёлларнинг катта ҳиссаси бор десак асло муболаға бўлмайди.

"8 март - Халқаро хотин-қизлар куни" муносабати билан илк бора ташкил этилган "Божхона маликалари" республика кўрик танлови Андижон вилояти божона бошқармасининг аёл ходимлари томонидан қизғин қарши олинди.

Қизғин ва муросасиз баҳсларга бой бўлган беллашувда “Дўстлик” чегара божхона пости инспектори Мохидил Ахмедова ғолиб деб топилди.