Хусусан, «Тошкент халқаро аэропорти» чегара божхона постида “Деҳли-Тошкент” рейси бўйича парвозини якунлаган 2 нафар йўловчи салкам 15 млн. сўмлик дори воситаларини божхона назоратидан яширинча олиб киришга уринган вақтида тўхтатиб қолинди.

Йўловчилардан бири 9 турдаги 93 дона, иккинчиси эса 2 турдаги 203 дона дориларни йўловчи божхона декларацияси ва божхона ходимларининг оғзаки сўрови пайтида маълум қилишмаган. Истанбулдан учиб келган яна бир йўловчига эса қиймати 13 млн. сўмдан зиёд бўлган 2 турдаги 149 қути дори воситаларини божхонадан яширинча олиб ўтиш насиб қилмади.

Шунингдек, “Москва-Тошкент” рейсининг йўловчиларидан бири  қиймати 14 млн. сўмлик 209 дона турли хил дори воситаларини гўёки шахсий фойдаланиш ниқоби остида олиб киришга уринган вақтида тўхтатиб қолинди.

 Ҳозирда сифати кафолатланмаган мазкур дори воситалари вақтинча сақловга олиниб, ҳолатлар юзасидан суриштирув ҳаракатлари давом этмоқда.