Айни шу мақсадда “Жиззах” ТИФ божхона постида ташкил этилган учрашувда ташқи иқтисодий фаолият қатнашчилари, божхона расмийлаштируви мутахассислари ва пост ходимлари иштирок этишди.

Унда Жиззах вилояти божхона бошқармаси бошлиғи Ш.Салихов сўзга чиқиб, бугунги кунда амалдаги қонунчилик нормаларига киритилаётган ўзгартириш ва қўшимчалар, уларнинг мазмун-моҳияти, тадбиркорлик фаолиятини янада ривожлантиришга қаратилган ислоҳотлар ҳамда қулайликлар борасида тўхталиб ўтди.

Шунингдек, учрашув давомида ходимлар ўз хизмат вазифаларига ҳалол, пок, виждонан ёндашиши, қонунларда белгиланган мажбуриятларга қатъий риоя қилиши лозимлиги ва тадбиркорлик фаолиятида божхона соҳасига оид бирор бир муаммо юзага келмаслиги яна бир бор эслатиб ўтилди.

Айтиш керак, бу каби тарғибот тадбирлари бошқарма раҳбарияти ва тегишли бўлим бошлиқлари иштирокида мунтазам ўтказиб турилиши режалаштирилган.