Жиззах вилояти божхона бошқармаси Контрабандага қарши курашиш ва божхона аудити бўлими ходимлари бошқа ҳуқуқни муҳофаза қилувчи идоралар ходимлари билан ҳамкорликда истеъмолга яроқсиз, сифати кафолатланмаган дори воситаларининг ноқонуний савдосига қарши тезкор тадбир ўтказишди.

Тадбир давомида Жиззах шаҳрида яшовчи фуқаро Д.М.нинг яшаш хонадони холислар иштирокида кўздан кечирилди.

Натижада, ушбу хонадонда тегишли ҳужжатлари бўлмаган, умумий қиймати 170,4 миллион сўмлик 182 хил турдаги дори воситалари ва тиббиёт буюмлари сақланиб келинаётганлиги аниқланди.

Шунингдек,  тадбир давом эттирилиб Жиззах шаҳридаги 3 та дорихона ўрнатилган тартибда кўздан кечирилганида, мазкур дорихоналарда тегишли кирим ҳужжати ва мувофиқлик сертификати бўлмаган, умумий қиймати 33,2 миллион сўмлик 64 хил турдаги дори воситалари борлиги аниқланди.

Ҳозирда мазкур ҳолатлар юзасидан божхона органлари томонидан суриштирув ишлари давом эттирилмоқда.