Яқинда Бухоро вилояти божхона бошқармасида “Темур тузуклари” китобини ходимлар томонидан кенг ўрганилиши ҳамда унинг моҳиятини чуқурроқ англаб етишлари мақсадида семинар-тренинг ўтказилди. Унда нафақат буюк бобокалонимизнинг ҳаёти, бажарган амаллари ҳақида маърузалар қилинди.

Шунингдек, “Темур тузуклари” асаридаги бадиий ғоя, панд-насиҳатларга эътибор қаратилиб, Амир Темурнинг давлат бошқарувидаги   амаллари муҳокама қилинди. Ушбу асарда илгари сурилган инсонпарварлик ғоялари бевосита давлатимиз бош Қомуси бўлмиш Конституциямизда ҳам ўз ифодасини топганлиги асосли далиллар билан келтириб ўтилди.

Семинар давомида  ходимлар ўртасида мазкур асар юзасидан қизғин савол-жавоблар ҳам ташкил этилиб, ғолибларга эсдалик совғалари топширилди.