Бу эса ўз навбатида бошқа ҳуқуқни муҳофаза қилувчи органлар каби божхона идораларидан ҳам сергакликни талаб этади. Сабаби, айнан шу даврда пиротехника воситаларининг божхона чегараларидан ноқонуний олиб ўтилишига бўлган уринишлар кўпроқ кўзга ташланади.

Хусусан, Жиззах вилояти божхона бошқармаси ходимлари томонидан ҳуқуқни муҳофаза қилувчи бошқа идоралар вакиллари билан ҳамкорликда Жиззах шаҳрида ўтказилган тезкор тадбир давомида фуқаро Б.Мга тегишли бўлган сумка текширилганда, қиймати 800 000 сўмлик 40 дона коғоз қутиларда 2400 дона пиротехника воситалари борлиги аниқланди.

Шунингдек, Сурхондарё вилояти божхона бошқармаси “Сариосиё” чегара божхона пости орқали Ўзбекистон Республикасига автоуловда кириб келган фуқаро И.И ҳам 46 дона пиротехника воситаларини яширин тарзда мамлакатимизга олиб кираётгани фош этилди.

Тошкент шаҳар божхона бошқармаси ходимлари томонидан эса нақд 3,5 миллион сўмлик пиротехника воситасини фуқаролар А.Қ., А.К. ва З.Б.лар шартли харидорга сотишаётган вақтида қўлга олинди.

Ҳозирда мазкур ҳолатлар юзасидан божхона текширувлари давом эттирилмоқда.