Мазкур топшириқ ижроси доирасида ҳуқуқни муҳофаза қилувчи идоралар қаторида давлат божхона хизмати органлари томонидан ҳам шахсий таркибнинг жанговар тайёргарлик даражасини ошириш бўйича аниқ амалий вазифалар белгилаб олинди.

Бухоро вилояти божхона бошқармаси шахсий таркиби томонидан Бухоро гарнизонига қарашли дала майдонида 3 кунлик ҳарбий дала-ўқув машғулотлари ўтказилди.

Округ қўшинларининг масъул ходимлари ҳамроҳлигида ўтказилган машғулотларда тўппончадан ўқ отиш ва ходимларнинг қурол ишлатиш техникаси бўйича тажрибалари оширилди.