Шунга кўра, божхона органлари томонидан хизмат ўқотар қуроллардан фойдаланиш кўникмалари ва жанговар шайлик даражасини ошириш бўйича амалий ишлар бажарилмоқда.

Қашқадарё вилояти божхона бошқармаси ходимлари ҳам бу борада илк маротаба дала амалий машғулотларида иштирок этди.

Машғулотлар Жануби-Ғарбий Махсус Ҳарбий округига қарашли Нуристон ҳарбий полигонида ўтказилди.

Унда, бошқарманинг Ҳарбий сафарбарлик, жанговар тайёргарлик ва қўриқлаш, Контрабандага қарши курашиш бўлимлари, Навбатчилик қисми ҳамда божхона постлари ходимлари иштирок этди.

Округ қўшинларининг масъул ходимлари ҳамроҳлигида ўтказилган машғулотда, ходимлар қурол ишлатиш техникаси, қисқа масофадаги жангларда инновацион тарзда қўллаб келаётган услублари, машғулотлар чоғида тезкорлик ва аниқликларига ҳамда руҳий ҳолатининг барқарорлигига эътибор қаратди.

Шу билан бирга, қурол-аслаҳаларни нотўлиқ қисмларга ажратиш ва ниқобланиш амалий машғулотларида ҳамда дала шароитида жисмоний тайёргарлик машқларини бажаришди.

Ўтказилган амалий машғулотда ходимлар хизмат ўқотар қуролдан фойдаланиш кўникмалари ва жанговар шайлик даражаси оширилди, шунингдек бу борада назарий ва амалий билимларга эга бўлишди.