Навоий вилояти божхона бошқармасида Божхона назорати ва расмийлаштирувини ташкил этиш бош бошқармаси маъсул ходимлари О.Хасанов ва А.Музаффаровлар иштирокида сайёр учрашув бўлиб ўтди.

Унда вилоятдаги ташқи иқтисодий фаолият субъектлари, божхона брокерлик фирмалари, божхона расмийлаштируви бўйича мутахассислар ва божхона ходимлари иштирок этди.

Дастлаб, тадбир иштирокчиларига Ўзбекистон Республикаси Президентининг 2022 йил 26 апрелдаги “Интеллектуал мулк соҳасини янада ривожлантиришга оид қўшимча чора-тадбирлар тўғрисида ”ги ПҚ-221-сонли Қарорига мувофиқ, интеллектуал мулкни ҳуқуқий ҳимоя қилиш бўйича жорий этилаётган янги меҳанизмлар, нотариф тартибга солиш бўйича қонунчилик талаблари тушунтирилди.

Учрашувда иштирокчиларнинг саволларига батафсил тушунтиришлар берилиб, билдирилган таклифларни кўриб чиқиш чоралари белгиланди.