Фармонда ахборот алмашинуви жараёнларини рақамлаштириш йўналишида бир қатор топшириқлар белгиланган.

Хусусан, Ўзбекистон Республикаси божхона чегараси орқали қувур транспорти ва электр узатиш тармоқлари орқали олиб ўтиладиган энергоресурслар миқдорлари тўғрисида божхона органлари ва тегишли идоралар ўртасида электрон маълумот алмашинуви йўлга қўйиш шулар жумласидандир.

Мазкур топшириқ доирасида ДБҚда “Ўзтрансгаз”, “Ўзбекистон миллий электр тармоқлари” АЖ ҳамда соҳага алоқадар тадбиркорлик субъектлари билан учрашув ташкил этилди.

Учрашув давомида божхона чегараси орқали қувур транспорти
ва электр узатиш тармоқлари орқали олиб ўтиладиган энергоресурслар миқдорлари тўғрисида божхона органлари ва тегишли идоралар ўртасида электрон маълумот алмашинувини амалга оширишда қилиниши лозим бўлган биринчи галдаги вазифалар белгилаб олинди.

Шунингдек, якунда кейинги бўладиган учрашувлар “Ўзтрансгаз”  ва “Ўзбекистон миллий электр тармоқлари” АЖларда ўтказилишига келишиб олинди.