Бу эса фуқароларнинг кириш-чиқишларини қайд этишга хизмат қилувчи ахборот тизимлари фаолиятининг тўхтаб қолишига олиб келди ва йўловчиларнинг тирбандлиги юзага келди.

Ҳозирда техник носозликлар бартараф этилиб, айни дақиқаларда чегара-божхона постида йўловчиларнинг ҳаракати қайта тикланди.

Оптик толали алоқа тармоғи фаолиятини тўлақонли тиклаш учун "Uztelecom" комапаниясининг ҳудудий мутахассислари постга жалб этилган.

Мазкур тирбандликларнинг коронавирус инфекцияси учун экспресс-тест олиш тизимига умуман даҳли йўқ. Экспресс-тестлар коронавирус инфекциясига қарши эмланганлигини тасдиқловчи сертификати мавжуд бўлмаган йўловчилардан олинади, холос.

Андижон вилояти божхона бошқармаси божхона органлари фаолиятига доир холис ва ҳаққоний хабарларни эълон қилишда оммавий ахборот воситалари, кенг жамоатчилик вакиллари билан ўзаро ҳамкорликка доимо тайёр эканлигини маълум қилади.