Тадбиркорлар ва ТИФ
иштирокчилари учун доимий
ишонч телефони
11-08
Ҳужжатлардан “тушиб қолган” товар моддий бойликлар фош бўлди
3068
Божхона органлари томонидан товар-моддий бойликларнинг божхона чегараси орқали ноқонуний олиб ўтилишига қарши муросасиз кураш олиб борилмоқда.
Ҳужжатлардан “тушиб қолган” товар моддий бойликлар фош бўлди

“Даут-ота” чегара божхона пости ходимлари томонидан қўшни давлатдан кириб келган фуқаро С.Т бошқарувидаги  “Форд Транзит” русумли юк автотранспорт воситаси божхона назоратидан ўтказилганида, автомашинада давлат бюджетига ундирилиши зарур бўлган божхона тўловларидан қочиш мақсадида ҳужжатларда кўрсатилмаган 108 дона автотранспорт воситалари полировка ва ҳимоя пленкалари, 340 дона электрон сигаретлар мавжудлиги аниқланди.

Таъкидлаш жоизки, Ўзбекистон Республикаси Президентининг 2018 йил 8 февралдаги “Жисмоний шахслар томонидан божхона чегараси орқали товарларни олиб ўтишни янада тартибга солиш чора-тадбирлари тўғрисида”ги қарорида жисмоний шахс томонидан республикага олиб кириладиган, божхона тўловларига тортилмайдиган товарларнинг чегараланган нормалари белгиланган бўлиб, унга мувофиқ, автойўл (пиёда) божхона чегаралари ўтиш пунктлари орқали олиб ўтишда — 300 АҚШ доллари миқдорида белгиланган.

Мазкур ҳолатда товарларнинг қиймати 300 доллардан ортган қисмига нисбатан божхона тўловлари тўланиши лозим бўлиб, ҳозирда ушбу ҳолат юзасидан божхона органлари томонидан суриштирув ҳаракатлари олиб борилмоқда.

 Қорақалпоғистон Республикаси божхона бошқармаси
Ахборот хизмати

30.04.2022

Эшитиш учун матнни белгиланг ва ушбу тугмани босинг