Университетнинг педагогик жамоаси ва талабалар ташриф давомида Ўзбекистон божхона фаолиятининг бой тарихи ва бугунини тўлиқ акс эттирувчи экспонатлар жамланган музей билан яқиндан танишдилар. Таъкидлаш жоизки,барча соҳалар сингари божхона фаолияти ҳам ўтмишда залворли йўлни босиб ўтган. Йиллар давомида кўплаб ўзгаришларга гувоҳ бўлган. Янгидан ислоҳ этилаётган божхона тизими эса аввалгиларидан тубдан фарқ қилади. Албатта, янгиликлардан ҳабардор бўлиш баробарида, тарихни ҳам унутмаслик даркор. Шу мақсадда музейга ташриф буюрган талабалар, яъни бўлажак журналистлар ҳамда матбуот котиблари эътиборига божхона соҳасига оид бўлган энг керакли маълумотлар ва қизиқарли тарихий фактлар тақдим этилди. Мазкур соҳага қизиқиш билдираётган ёш авлод вакиллари билан ўтказилган музей бўйлаб саёҳат ва қизиқарли суҳбатлар келгусида уларнинг божхона соҳасининг етук мутаҳасисслари журналист ва матбуот котиблари бўлиб етишишлари учун замин яратса ажаб эмас.