Кеча – 22 апрелда куннинг иккинчи ярмида ДБҚ Раиси Қарши шаҳридаги “Lions” ММА аралаш жанг санъати спорт клубида бўлиб, мавжуд шарт-шароитларни яқиндан кўздан кечирди.

Учрашувда клуб мураббийси Бобур Қурбонов Юртбошимизнинг спортга кўрсатаётган юксак эътиборлари натижасида ўзи ва шогирдлари эришган ютуқлар тўғрисида сўзлаб берди.

Клуб мураббийси Б.Қурбонов, вилоят спортни ривожлантириш бош бошқармаси раҳбари В.Рўзиев ҳамда спортчилар билан мулоқотда маълум қилинишча, вилоятда спортнинг қўл жанги ва аралаш жанг санъати турларини ёшлар ўртасида оммалаштириш ва кенг тарғиб қилиш ишларини хомийлик асосида ташкил этишга зарурат мавжуд. 

Хусусан, спорт клубининг ҳозирги аҳволи ва моддий-техник базасини мустаҳкамлаш, зарур инвентарлар билан жиҳозлаш фурсати келган.

ДБҚ Раиси Акмалхўжа Мавлонов ҳудудда спортни, хусусан аралаш жанг санъатини ривожлантиришга яқиндан кўмаклашиш учун барча зарурий чора-тадбирлар белгиланиб, қисқа муддатда аниқ амалий ишларга старт берилишини маълум қилди.