Хусусан, Наманган вилояти божхона бошқармаси тезкор тузилмалари томонидан “Наманган” ташқи иқтисодий фаолият божхона пости ходимлари билан ўзаро ҳамкорликда аниқланган навбатдаги ҳолатда мазкур вилоятда фаолият юритувчи корхоналардан бирининг номига хориждан келтирилган товарлар белгиланган тартибда божхона кўригидан ўтказилди.

Натижада, юклар орасида йўл юк-кузатув ҳужжатларида кўрсатилмаган ўлчами 39864 м² бўлган тўқимачилик матолари борлиги аниқланди. Уларнинг дастлабки қиймати эса салкам 532 млн. сўмни ташкил қилди.

Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.