Шундай тадбирлардан бири буюк давлат арбоби ва саркарда Соҳибқирон Амир Темур таваллудининг 686 йиллигига бағишлаб, бадиий кеча ва мактаб ўқувчилари ўртасида “Темур тузуклари билимдони” кўрик танлови ўтказилди.

Даставвал, ўқувчи-ёшлар йиғилганлар эътиборига Амир Темурнинг фаолиятига доир қизиқарли маълумотларни етказишди ҳамда Амир Темурнинг ҳаёти билан боғлиқ саҳна кўринишлар намойиш этишди. Шунингдек, Амир Темурни мадҳ этувчи шеърлар йиғилганларда илиқ таассурот уйғотди.

Шундан сўнг, Амир Темурнинг "Темур тузуклари" асари асосида “Темур тузуклари билимдони” кўрик танлови ўтказилди ва танлов якунида ғолиб ва совридорлар вилоят божхона бошқармасининг дипломи ва китоблар тўплами билан тақдирланишди.