Юртимизга хорижий авиарейс билан учиб келган фуқаро М.М.нинг хатти-ҳаракатлари божхоначилар эътиборини тортди ва ушбу шахс ўрнатилган тартибда божхона кўригидан ўтказилди.

Натижада, унинг юклари орасида божхона назоратига тақдим этилмаган 1 дона 9 мм. калибрдаги ўқотар қурол патрони борлиги аниқланди.

Яна бир ҳолатда юртимизга хорижий авиарейс билан учиб келган фуқаро И.А.нинг юклари кўздан кечирилганида, юклар орасида 1 дона “МКЕ d6 20” ёзувли ўқотар қурол патрони борлиги аниқланди.

Ҳозирда юқоридаги ҳолатлар юзасидан терговга қадар суриштирув ҳаракатлари давом эттирилмоқда.