Ўқув машғулоти жорий йилнинг 17 февраль куни Президентимиз Шавкат Мирзиёев ҳузурида ўтказилган видеоселектор йиғилишида божхона тизимида кадрлар тайёрлаш ва малакасини ошириш бўйича ишларни кучайтириш юзасидан берилган топшириқлар ижроси доирасида ташкил қилинди.

Семинарда Божхона институтининг катта ўқитувчиси-психолог М.Қодиров томонидан божхона чегараси орқали ҳаракатланаётган фуқароларнинг хавф гуруҳига қараб профилларга ажратишга, катта ўқитувчи У.Ибрахимов ҳамда Тошкент вилояти божхона бошқармаси инспектори С.Махкамовлар томонидан эса инспексион кўрик мажмуалари, рентген аппаратларидан самарали фойдаланиш ва рентген тасвирини таҳлил қилиш усулларига тўхталиб ўтилди.

Ўқув семинари баҳс-мунозараларга бой бўлиб, унинг якунида эса семинар қатнашчилари ўзларини қизиқтирган барча саволларга тўлақонли жавоблар олишди.