Хусусан, Қорақалпоғистон Республикаси божхона бошқармаси Контрабандага қарши курашиш ва божхона аудити бўлими ходимлари томонидан “Даут-ота” чегара божхона пости орқали юртимизга кириб келган, фуқаро Д.Ш бошқарувидаги “DAF” русумли юк автотранспорт воситаси божхона кўригидан ўтказилди.

Натижада, ҳужжатларда кўрсатилганидан ортиқча бўлган ва божхона тўловларидан қочиш мақсадида ҳужжатларда тўлиқ кўрсатилмаган, дастлабки сўровга кўра умумий қиймати 100 миллион сўмга тенг бўлган жами 20 дона пластмас ва резина қуйиш учун шакллар борлиги аниқланди.

Мазкур ҳолат юзасидан божхона органлари томонидан суриштирув ҳаракатлари давом эттирилмоқда.