Тадбиркорлар ва ТИФ
иштирокчилари учун доимий
ишонч телефони
11-08
Божхона тўловларидан бўйин товлашга бўлган уриниш фош бўлди
985
Мамлакатимизга импорт қилинаётган товарларнинг божхона тўловларини тўғри ва тўлиқ ундириш ҳамда давлат бюджетига ўтказилишини таъминлаш божхона органларининг асосий вазифаларидан бири ҳисобланади. Божхона тўловларини тўламаслик мақсадида товарларни бошқа ном билан ёки уларни миқдорини камайтириб кўрсатилишига қарши божхона органлари томонидан тизимли равишда қарши кураш олиб борилмоқда.
Божхона тўловларидан бўйин товлашга бўлган уриниш фош бўлди

Жумладан, Фарғона вилояти божхона бошқармаси Шахсий хавфсизлик бўлими ходимлари томонидан ўтказилган тезкор тадбир давомида Қўқон шаҳрида фаолият юритаётган корхона номига хориждан олиб келинган “Манометр” товарларини “эркин муомалага чиқариш” божхона режимига расмийлаштириш учун тақдим этилган божхона юк декларацияси асосида божхона кўригидан ўтказилди ҳамда товарнинг ташқи иқтисодий фаолият товар номенклатураси бўйича таснифланиши ўрганилди.

Натижада, корхона ходимлари томонидан божхона омборида сақланаётган божхона режимига расмийлаштирилмаган мазкур товарларнинг бир қисми божхона органининг рухсатисиз олиб чиқиб кетилгани ҳамда божхона тўловларини камайтириб тўлаш мақсадида товарнинг ТИФ ТН коди божхона юк декларациясида нотўғри кўрсатилганлиги аниқланди. Божхона органининг рухсатисиз олиб чиқиб кетилган 21 минг дона “Манометр” товарлари божхона омборига келтирилиб, дастлабки қиймати 2 миллиард 280 миллион сўмлик жами 38 000 дона “Манометр” товарлари ҳолатга аниқлик киритилгунга қадар вақтинча сақловга олинди.

Ҳозирда ҳолат юзасидан божхона органлари томонидан терговга қадар текширув ҳаракатлари олиб борилмоқда.

 

 

2.04.2022

Эшитиш учун матнни белгиланг ва ушбу тугмани босинг