Хусусан, Тошкент халқаро аэропортига хорижий авиарейс билан  учиб келган фуқаро У.Г.нинг юклари ўрнатилган тартибда божхона кўригидан ўтказилганида, юклар орасида божхона назоратига тақдим этилмаган ва жисмоний шахслар томонидан шахсий эҳтиёжлар учун олиб кириладиган меъёрлардан ортиқча бўлган 138 дона сифати кафолатланмаган дори воситалари борлиги аниқланди.

Мазкур рейс билан учиб келган яна бир фуқаронинг юклари ўрнатилган тартибда божхона кўригидан ўтказилганида, уларнинг ичида ҳам қиймати 20 миллион сўмлик 212 дона сифати кафолатланмаган дори воситалари борлиги аниқланди.

Ҳозирда ушбу ҳолатлар юзасидан суриштирув ҳаракатлари олиб борилмоқда.