Навбатдаги ўқув курси жорий йилнинг 28-март 1-апрел кунлари “ISO /IEC 17025:2017 асосида лаборатория компетентлигини баҳолаш” мавзусида “Triple Point Еngineering” мутахассислари томонидан ўтказилди.

Ушбу ўқув курсида Марказий божхона лабораториясининг 10 нафар ходимлари иштирок этиб, лабораторияда амалга ошириладиган тадқиқотлар холислигини таъминлаш, уларнинг сифати ва самарадорлигини ошириш бўйича тушунтиришлар берилди.

Бундан ташқари йиғилишда “ISO /IEC 17025:2017” стандартининг мазмун-моҳияти ва қўлланилиши, верификациялаш ва валидациялаш усуллари кўрсатилди. Шу билан бирга, лабораторияда фаолият олиб бораётган ходимларга тадқиқотлардаги ноаниқликлар ва уларни ҳисоблаш формулалари тушунтирилди. Машғулотлар амалий мисоллар ва масалалар қўлланилган ҳолда қизғин ўтказилди.

Ўтказилган ўқув курси якунида Марказий божхона лабораторияси ходимларига сертификатлар топширилди.