Ушбу суммадан юқори бўлган қийматдаги валюталарни эса резидентлар томонидан — хорижий давлатларга хизмат сафарига кетаётган Ҳукумат делегацияси аъзолари учун Вазирлар Маҳкамасининг фармойиши асосида;

норезидентлар томонидан — Ўзбекистон Республикасига кириш чоғида расмийлаштирилган йўловчи божхона декларацияси асосида декларация қилинган маблағлар доирасида, шунингдек, республикада белгиланган тартибда ташкил қилинган халқаро мусобақалар (танловлар, олимпиадалар) совриндорлари ёки қатнашчилари томонидан маблағларнинг қонунийлигини тасдиқловчи ҳужжатлар асосида олиб чиқилиши мумкин.

Мазкур тартиб фақат нақд пул маблағларини олиб чиқилишига тадбиқ этилган бўлиб, халқаро пластик карталарда исталган миқдорда пул маблағларини олиб чиқиш мумкин.

Ўз навбатида божхона органлари валюта назоратини амалга оширувчи органлардан бири ҳисобланади ва ўз ваколати доирасида нақд хорижий валюталарнинг ноқонуний айланмасига қарши кураш олиб боради.

Хусусан, жорий йилнинг март ойи давомида “Тошкент-АЭРО” ихтисослаштирилган божхона комплекси ҳодимлари томонидан аниқланган 11 та ҳолатда 469 миллион сўм эквивалентидаги АҚШ доллари, Россия рубли, Покистон рупияси, Саудия Арабистони риали ва Қозоғистон тенгесининг ноқонуний олиб чиқилиши олди олинган.

"Тошкент АЭРО" ИБК
Ахборот хизмати