Хусусан, Андижон вилояти божхона бошқармасининг “Дўстлик” чегара божхона пости орқали юртимизга кириб келган фуқаро Н.М. бошқарувидаги  “МАН” русумли юк автотранспорт воситаси белгиланган тартибда божхона кўригидан ўтказилди.

Ўтказилган божхона кўриги натижасида, автомашинада ҳужжатларда кўрсатиб ўтилмаган ҳамда кўрсатилганидан ортиқча бўлган, умумий қиймати 664,1 млн. сўмлик 2992 дона электр чойнак, 3470 дона қармоқ жиҳозлари ҳамда 9351 дона автомобиль учун подшипник товарлари борлиги аниқланди.

Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.