Жумладан, Қорақалпоғистон Республикаси божхона бошқармаси Контрабандага қарши курашиш ва божхона аудити бўлими ходимлари ДХХ ва ИИБ вакиллари билан ҳамкорликда Хоразм вилояти Урганч туманида тезкор тадбир ўтказишди.

Ўтказилган тезкор тадбир давомида “Nexia-2” русумли енгил автотранспорт воситаси тўхталиб, унда йўловчи сифатида келаётган фуқаролар А.А. ва М.Р.лар холислар иштирокида кўздан кечирилди.

Текширув натижасида, уларнинг сумкаларида жами 669 дона (197 дона флаконда “Тропикамид” ва 300 дона “Regapen 300mg” ёзувли ҳамда 172 дона “Селофен” ёзувли) кучли таъсир қилувчи дори воситалари борлиги аниқланди.

Ҳозирда мазкур ҳолат юзасидан божхона органлари томонидан терговга қадар текширув ҳаракатлари олиб борилмоқда.