Шундай тадбирлардан навбатдагиси “Самарқанд” ташқи иқтисодий фаолият божхона постида бўлиб ўтди. Унда вилоят божхона бошқармаси бошлиғи ўринбосари Ж.Файзуллаев ҳамда бошқарманинг масъул ходимлари иштирокида вилоятда фаолият олиб бораётган тадбиркорлик субъектларининг мурожаатлари тингланди.

Учрашувдан кўзланган асосий мақсад, божхона расмийлаштирувида тадбиркорларга сифатли хизмат кўрсатиш, ҳуқуқий маслаҳатлар бериш, тадбиркорларнинг жойлардаги фаолиятини амалга оширишда тўсиқ бўлаётган муаммоларни тезкорлик билан ҳал этишда амалий ёрдам кўрсатишдан иборат бўлди.

Ушбу бўлиб ўтган учрашувда тадбиркорлар ўзларини қизиқтирган барча саволларига  жавоблар олишди.

Божхона расмийлаштируви юзасидан келгусидаги ишлар режаси бўйича ҳамкорлик мустаҳкамланди ҳамда учрашув давомида тадбиркорлар томонидан билдирилган таклифлар қайд этиб борилди.

Вилоят божхоначилари томонидан бу каби учрашувлар туман ва шаҳарларда давом эттирилмоқда.