Самарқанд вилояти божхона бошқармаси “Жартепа” чегара божхона пости томонидан 2022 йил бошидан бугунги кунга қадар психотроп ва кучли таъсир этувчи моддаларнинг ноқонуний айланиши билан боғлиқ 3 та ҳолат аниқланган бўлиб, 708 дона психотроп таблеткаларининг ноқонуний айланувига чек қўйилган. 

Жумладан, мазкур божхона постига қўшни давлатдан кириб келган фуқаро С.Н. “яшил йўлак” орқали ҳаракатланар экан, унинг хатти-ҳаракатлари божхоначилар эътиборини тортди ва ушбу шахс ўрнатилган тартибда божхона кўригидан ўтказилди.

Натижада, унинг қўл сумкасида “Сомнол” номли жами 100 дона психотроп таблеткалар борлиги аниқланган.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.