Жиззах вилояти божхона бошқармаси Контрабандага қарши курашиш ва божхона аудити бўлими ходимлари ҳуқуқни мухофаза қилувчи бошқа идора вакиллари билан ҳамкорликда ўтказилган тезкор тадбирда ана шундай ҳолатга чек қўйишди.

Жиззах шахрида ўтказилган тадбирда фуқаро А.У ва У.Р. бошқарувидаги “Isuzu” русумли юк автотранспорт воситалари тегишли тартибда тўхтатилиб, кўздан кечирилди. Натижада унинг ичида ҳеч қандай ҳужжатлари бўлмаган дастлабки қиймати 180 млн. сўмлик 30 000 дона осма дори воситалари борлиги маълум бўлди.

Ҳозирда мазкур ҳолат юзасидан божхона органлари томонидан текширув ҳаракатлари олиб борилмокда.