Хусусан, Андижон вилояти божхона бошқармасининг “Андижон” ТИФ божхона постига вилоятда фаолият кўрсатувчи масъулияти чекланган жамият номига хориждан олиб келинган товарлар божхона кўригидан ўтказилди.

Ўтказилган божхона кўриги натижасида, ҳужжатларда кўрсатиб ўтилмаган ҳамда кўрсатилганидан ортиқча бўлган, умумий қиймати 123 733 000 сўмлик 11 хил турдаги автотранспорт воситаларининг эҳтиёт қисмлари борлиги аниқланди.

Яна бир ҳолатда, Қорақалпоғистон Республикаси божхона бошқармаси Контрабандага қарши курашиш ва божхона аудити бўлими ходимлари томонидан “Довут-ота” чегара божхона постига қўшни мамлакатдан кириб келган, фуқаро Б.Ф бошқарувидаги “MAN” русумли юк автотранспорт воситаси божхона кўригидан ўтказилди.

Натижада, автомашинада ҳужжатларда кўрсатилмаган, божхона ходимининг оғзаки сўровида айтилмаган, умумий қиймати 53 млн. сўмлик хўжалик моллари борлиги аниқланди.

Мазкур ҳолатлар юзасидан божхона органлари томонидан суриштирув ҳаракатлари давом эттирилмоқда.