Ўзининг самарали меҳнати, бой амалий тажрибаси билан юртимизда олиб борилаётган туб ислоҳотлар жараёнида фаол қатнашиб, Янги Ўзбекистонни барпо этиш, халқимиз фаровонлигини юксалтириш йўлида ташаббус ва ибрат кўрсатиб келаётган хотин-қизларимиз қаторида 2022 йил 5 мартдаги Ўзбекистон Республикаси Президентининг “8 март – Халқаро хотин-қизлар куни муносабати билан мукофотлаш тўғрисида”ги Фармони билан Сирдарё вилояти божхона бошқармаси бўлим бошлиғи Абдуразакова Санобар Эрминжоновна “Содиқ хизматлари учун” медали билан мукофотланди.

Сирдарё вилояти божхона бошқармасида С.Абдуразакова тантанали равишда кутиб олинди ва давлат мукофоти билан тақдирланганлиги муносабати билан бошқарма раҳбарияти ҳамда шахсий таркиб томонидан табрикланди. Ушбу юксак мукофот Ўзбекистон Республикаси Президентининг божхона органларига билдирган ишончининг намунаси сифатида эътироф этилиб, мазкур ишончни оқлаш учун ҳар бир божхона ходимлари ўз олдига аниқ вазифалар белгилаб олишди.