Тошкент халқаро аэропорти орқали юртимиздан хорижга отланган фуқаронинг хатти-ҳаракатлари божхоначилар эътиборини тортди ва ушбу шахс ўрнатилган тартибда божхона кўригидан ўтказилди.

Натижада, ушбу шахснинг юклари орасидаги тамаки қутиларида божхона ходимларига маълум қилинмаган ва декларацияда кўрсатилмаган, олиб чиқиш меъёридан ортиқ бўлган умумий қиймати 465 миллион сўм эквивалентидаги нақд хорижий валюталар яъни 27 300 АҚШ доллари ва 1 800 000 россия рубли борлиги аниқланди.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.