Хусусан, байрам муносабати билан Сирдарё вилояти божхона бошқармаси вилоят ва туман ҳокимликлари ҳамда Ёшлар ишлари агентлиги Сирдарё вилояти бўлими ходимлари билан ҳамкорликда Боёвут тумандаги нуроний онахонлар ҳолидан хабар олинди. Мазкур тадбирда тумандаги О.Бегматова, Т.Избосарова, З.Авезова, Н.Вяткина ва Р.Сайдалиеваларнинг хонадонларига ташриф буюрилди.

Шу билан бирга, Гулистон шаҳрида истиқомат қилувчи марҳум божхона ходими Жумали Рахмонов ва божхона фахрийси Махбуба Рахмоноваларнинг волидаи муҳтарамаси улуғ 99 ёшни қаршилаган Хайринисо аянинг ҳолидан хабар олишиб, байрам табриги ўқиб эшитирилди ҳамда байрам совғалари тақдим этилди. Хайринисо ая бугунги тинч кунимизга шукрона қилиб, дуо-фотиҳа қилди.

Фурсатдан фойдаланиб, Сирдарё вилояти божхона бошқармаси 8-март “Халқаро хотин-қизлар куни” муносабати билан барча аёлларни чин дилдан муборакбод этади.