8 март - Халқаро хотин-қизлар кунига бағишлаб, Ўзбекистон Республикаси Миллий гвардияси “Динамо” жисмоний тарбия ва спорт жамияти Хоразм вилояти кенгаши томонидан хотин-қизларни спортга қизиқтириш ва уларнинг саломатликларини мустаҳкамлаш мақсадида навбатдаги спорт мусобақаси ўтказилди.

Мусобaқада ҳуқуқни муҳофаза қилувчи органлар ҳамда ҳарбий қисмларда тузилган аёллар жамоалари сузиш, шашка, стол тенниси, эстафетали югуриш бўйича ўзаро беллашишди. Якуний натижаларга кўра умумжамоа ҳисобида Хоразм вилояти божхона бошқармаси жамоаси аёллари 1-ўринни қўлга киритишди.

Тадбир якунида ғолибларга ташкилотчиларнинг диплом ва эсдалик совғалари тантанали тарзда топширилди.