Яқинда “Шовот” чегара божхона пости орқали харакатланаётган  М.Б.нинг ортиқча безовталаниши божхоначиларда шубҳа уйғотганлиги сабабли, у холислар иштирокида шахсий кўрикдан ўтказилди.

Натижада, ушбу шахс кийимлари ичидан қўлининг юқори қисмига 167,6 грамм тилла занжирларни боғлаганча яширинча олиб ўтмоқчи бўлганлиги фош этилди.

Қарангки, ушбу қонунбузар бу найранги билан чекланмаган экан.У яна бир фуқаро Ш.М.ни ҳам қинғир режасига шерик қилган. У М.Б.нинг илтимосига кўра ўзига тегишли бўлмаган 98,95 грамм тилла занжирни божхона назоратидан яширинча олиб ўтиб бермоқчи бўлган экан.

Аммо қинғир режага ўз вақтида чек қўйилди. Натижада, қонунбузарлардан жами оғирлиги 266,55 грамм бўлган қиймати 58 641 000 сўмлик тилла тақинчоқлар ашёвий далил сифатида олиб қўйилди.

Ҳозирда мазкур ҳолат юзасидан текширув ҳаракатлари давом эттирилмоқда.