Наманган шаҳрида жойлашган Наманган ихтисослаштирилган санъат мактабида ҳам буюк бобокалонимиз таваллудининг 539 йиллиги муносабати билан бадиий тадбир бўлиб ўтди. Унда вилоят Халқ таълими ва ўрта махсус касб-ҳунар таълими бошқармалари вакиллари, Ёшлар иттифоқининг фаол етакчилари ҳамда Наманган вилояти божхона бошқармасининг ёш ходимлари иштирок этишди.

Тадбир давомида барча ёшлар қатори божхона ходимлари ҳам муносиб иштирок этиб, Бобурнинг босиб ўтган ҳаёт йўли, ижоди ва энг сара ғазаллари тилга олинди. Шунингдек, санъат мактабининг истеъдодли ёшлари томонидан ғазаллар куйга солиниб, бирин-кетин ижро этилди.

Таъкидлаш лозимки, бу каби маънавий тадбирлар нафақат Бобурнинг бой маънавий меросини ўрганишга балки, инсонлар қалбида эзгулик, инсонпарварлик, айниқса, ватанга муҳаббат туйғуларини шакллантиришда муҳим восита бўлиб хизмат қилади.