Наманган вилояти божхона бошқармаси ходимлари томонидан Давлат хавфсизлик хизмати ва ичики ишлар идоралари ходимлари билан ҳамкорликда Янгиқўрғон туманида тезкор тадбир ўтказилди.

Тезкор тадбир давомида ушбу туманда яшовчи фуқаро М.О.нинг яшаш хонадони холислар иштирокида белгиланган тартибда кўздан кечирилди.

Натижада, ушбу хонадонда тегишли ҳужжатлари бўлмаган, сифати кафолатланмаган, хорижда ишлаб чиқарилган умумий қиймати 128 млн. сўмлик 14 минг 140 дона сифати кафолатланмаган дори воситалари борлиги аниқланди.

Ҳозирда мазкур ҳолат юзасидан суриштирув ҳаракатлари давом эттирилмоқда.