Жумладан, Тошкент шаҳар божхона бошқармаси “Тошкент-товар” ТИФ божхона пости ходимлари томонидан хориждан келтирилган “фильтр” товарлари белгиланган тартибда божхона кўригидан ўтказилди.

Натижада,  юк кузатув ҳужжатларида кўрсатилмаган 112,8 млн. сўмлик 66 дона юк автомобиллари учун мўлжалланган фильтрлар ҳамда 1440 дона автомобиль учун сигналлар борлиги аниқланди.

Навбатдаги ҳолатда эса хориждан келтирилган уй қурилиш жиҳозлари “эркин муомалага чиқариш” божхона режимига расмийлаштириш учун тақдим этилган ҳужжатлар асосида божхона кўригидан ўтказилди.

Қарангки, кўрик жараёнида юк кузатув ҳужжатларида кўрсатилмаган қиймати 35,6 млн. сўмлик 10 турдаги хўжалик товарлари борлиги аниқланди.

Ҳозирда мазкур ҳолатлар юзасидан суриштирув ишлари олиб борилмоқда.