Хоразм вилояти божхона бошқармасининг “Урганч аэропорти” чегара божхона постига хориждан учиб келган фуқаро А.Г. божхона назоратидан ўтишида “яшил” йўлакдан ҳаракатланар экан, унинг хатти-ҳаракатлари божхоначилар эътиборини тортди.

Натижада, ушбу шахс ўрнатилган тартибда текширувдан ўтказилганида унинг юклари орасида умумий қиймати 41 670 000 сўмлик жами 46 қути биологик актив қўшимчалар ҳамда 7 хил турдаги парфюмерия воситалари борлиги аниқланди.

Ҳозирда юқоридаги ҳолат бўйича божхона органлари томонидан суриштирув ишлари олиб борилмоқда.