Тошкент шаҳар божхона бошқармаси Контрабандага қарши курашиш ва божхона аудити бўлими ходимлари “Тошкент-товар” ТИФ божхона пости билан ҳамкорликда ўтказилган тезкор тадбир давомида навбатдаги найранг фош бўлди.

Тезкор тадбир давомида, хориждан келтирилган юк контейнерида ҳужжатларда кўрсатилганидек “резина қўлқоплар” эмас, балки йўл-юк кузатув ҳужжатларида кўрсатилмаган, қиймати 1,5 млрд. сўмлик 340 760 дона “қурилишда ишлатиладиган трикотаж қўлқоплар” товарлари борлиги аниқланди.

Ушбу товарларга нисбатан 394,5 миллион сўм божхона тўловлари ҳисобланди.

Ҳозирда мазкур товарлар белгиланган тартибда сақловга олиниб, мазкур ҳолат юзасидан суриштирув ҳаракатлари олиб борилмоқда.