Танловга жамланган ходимлар ўзлари томонидан эркин мавзуда тайёрлаб келинган мусиқа ва қўшиқларни ижро этишди.

Иштирокчилар вилоят Маданият бошқармаси томонидан тавсия этилган профессионал ижодкорлар ва бошқарма вакилларидан ташкил топган ҳайъат аъзолари томонидан баҳоланди.

Иқтидорли ходимлар орасида энг яхши мусиқа ижрочиси йўналишида “Масофавий электрон декларациялаш” божхона пости катта инспектори Ж.Хасанов ғолиб бўлган бўлса, энг яхши қўшиқ ижрочиси йўналишида Ахборот-коммуникация технологиялари ва киберхавфсизликни таъминлаш гуруҳи инспектори М.Комилов эътирофга сазовор бўлди.

Тадбир сўнггида ғолиблар совға ва дипломлар билан тақдирланди.