Ўзбекистон Республикаси Туризм ва спорт вазирлиги, Мудофаа вазирлиги, Ўзбекистон Миллий Олимпия қўмитаси, Ўзбекистон триатлон федерацияси ташаббуси билан ватанпарварлик руҳида ташкил этилган ушбу мусобақада Ўзбекистон Республикаси Мудофаа вазирлиги, Давлат хавфсизлик хизмати, Ички ишлар вазирлиги, Миллий гвардия, Фавқулодда вазиятлар вазирлиги ҳамда Давлат божхона қўмитаси ходимлари, олий ҳарбий таълим муассасалари курсантлари ҳамда шаҳримиз аҳолиси вакилларидан иборат ҳаваскор жамоалар қатнашди.

Югуриш мусобақасига “Халқлар дўстлиги” саройи майдонидан старт берилиб, Фурқат, Бешёғоч, И.Каримов ҳамда А.Темур шоҳ кўчаси бўйлаб А.Темур ҳайкали айланма йўли билан орқага қараб йўналиш олди.

Марафонда Давлат божхона қўмитасининг Тошкент шаҳар, Тошкент ва Сирдарё вилоятлари бўйича бошқармалари ҳамда “Тошкент-АЭРО” ИБК ходимлари, шунингдек Божхона институти курсантларидан иборат бўлган жамоа муносиб иштирок этишди.

Мусобақа натижаларига кўра 11 нафар Божхона институти курсантлари ҳамда 6 нафар божхона ходимлари кучли 50 талик тез югурувчилар рўйхатига киритилиб, мусобақанинг махсус медали билан тақдирландилар. 

Таъкидлаш жоизки, жисмоний ва маънавий соғломликнинг асоси бўлган бу каби тадбирлар аҳоли орасида соғлом турмуш тарзини кенг тарғиб қилишга қаратилганлиги билан аҳамиятлидир.