Давлат божхона хизмати органларида шаклланган хайрли анъанага мувофиқ, Тошкент шаҳар божхона бошқармасининг бир гуруҳ ходимлари томонидан янги йил арафасида тизимда узоқ йиллар ҳизмат қилиб, эл-у юрт равнақига ҳисса қўшган вафот этган ходимлар оилаларидан хабар олинди.

Хусусан, божхоначилар узоқ йиллар давомида божхона органларида турли лавозимларда ҳалоллик билан меҳнат қилган марҳум божхона ходими Нодиржон Қўчқоров оиласида бўлишди.

Хонадондаги мурғак қалб соҳиб-у соҳибаларига қувонч ва байрамона кайфият улашилди. Уларга Муҳтарам Президентимизнинг янги йил совғалари топширилди.