Фарғона вилояти  божхона бошқармаси Контрабандага карши курашиш ва божхона аудити бўлими ходимлари ДХХ ходимлари билан ҳамкорликда ўтказилган тезкор тадбир давомида, Олтиариқ тумани яшовчи фуқаро А.Ф.нинг яшаш хонадони холислар иштирокида кўздан кечирилди.

Натижада, ушбу хонадондаги “Дамас” русумли автотранспорт воситаси салонида хорижда ишлаб чиқарилган ва божхона расмийлаштирувидан ўтганлигинини тасдиқловчи ҳеч қандай ҳужжатлари бўлмаган, умумий қиймати 163.миллион сўмлик жами 1630 дона номли пиротехника воситалари борлиги аниқланди.

Шунингдек, Фарғона вилояти божхона бошқармаси Контрабандага қарши курашиш ва божхона аудити бўлими ходимлари ҳамкорликда ўтказилган яна бир тезкор тадбир давомида, “Марғилон-Олтиариқ” йўналишида ҳаракатланаётган фуқаро М.С. бошқарувидаги “Нексия 3” русумли автотранспорт воситаси Олтиариқ туманида тўхтатилиб кўздан кечирилганида, автомашина салони ва юкхонасида 14 дона салют пиротехника воситалари борлиги аниқланди.

Шундан сўнг, тезкор тадбир давом эттирилиб, Олтиариқ туманида яшовчи фуқаро С.Я.нинг яшаш хонадони холислар иштирокида кўздан кечирилганида, ушбу хонадонда фуқаро М.С.га тегишли бўлган,  96 дона салют пиротехника воситалари борлиги аниқланди.          

Ўтказилган ушбу тезкор тадбир давомида умумий қиймати 121,2 миллион сўмлик жами 110 дона салют пиротехника воситалари ашёвий далил сифатида олинди.

Ҳозирда мазкур ҳолатлар юзасидан божхона органлари томонидан терговга қадар текширув ҳаракатлари олиб борилмоқда.