Хусусан, Хоразм вилояти божхона бошқармаси ходимлари ДХХ, ИИБ, Миллий гвардия ва ФВБ ходимлари билан ҳамкорликда ўтказилган тезкор тадбирлар давомида пиротехника воситаларининг ноқонуний савдоси билан шуғулланаётган шахслар фаолиятини фош қилишди.

Хазорасп туманида ўтказилган тезкор тадбир давомида, фуқаролар Э.И., Д.Қ. ва  У.М.нинг қўл сумкалари холислар иштирокида текширилганида, сумкаларда жами 21 850 дона пиротехника воситалари борлиги аниқланди.

Урганч шаҳрида эса фуқаролар С.Ш., Ж.Ф., Ҳ.Б., С.С. ва И.М.лар ўрнатилган тартибда тўхтатилиб, юклари кўздан кечирилди.

Натижада, ушбу шахсларнинг сумкаларида 33 800 дона пиротехника воситалари борлиги маълум бўлди.

Ҳозирда мазкур ҳолатлар юзасидан божхона органлари томонидан суриштирув ҳаракатлари давом эттирилмоқда.