Хусусан, Наманган вилояти божхона бошқармасига 2021 йилнинг ўтган 11 ойи мобайнида 40 та ёзма ва электрон мурожааат келиб тушган бўлиб, шулардан 27 таси жисмоний шахслардан, 13 таси эса юридик шахслар томонидан йўлланган.

Мурожаатлар божхона расмийлаштируви ва назорати, божхона тўловлари, божхона органларига ишга ва ўқишга кириш каби масалаларни қамраб олган.

Шунингдек, ушбу даврда 83 нафар жисмоний ва юридик шахсларнинг оғзаки мурожаатлари кўриб чиқилди.

“Жисмоний ва юридик шахсларнинг мурожаатлари тўғрисида”ги Қонун талабларининг бажарилишини таъминлаш, фуқароларнинг мурожаат қилиш ҳуқуқидан самарали фойдаланишига эришишда бошқарма томонидан кенг аҳоли қатлами ўртасида олиб борилаётган тарғибот-тушунтириш ишлари ҳамда масъул ходимларнинг сайёр қабуллари ҳам муҳим аҳамият касб этмоқда.

Эслатиб ўтамиз, божхона соҳасига доир мурожаатлар юзасидан исталган вақтда Давлат божхона қўмитасининг қисқа 11-08 ҳамда Наманган вилояти божхона бошқармасининг (69)234-33-01 рақамли ишонч телефонларига мурожаат қилишингиз мумкин.